ଆଶା
ଆଶା
'ଆଶା' ମୋ ସ୍ବପ୍ନର ସେଫାଳୀ
ଯେ ନିର୍ଜନ ରାତିରେ ଉଜାଗର ହୋଇ
ସ୍ନେହର ପ୍ରେମର ସଙ୍ଗୀତ ମୂର୍ଚ୍ଛନା ସବୁ
ମୋ ମଧୁର ସ୍ମୃତି ପଲକରେ ସାଉଣ୍ଟନ୍ତି !
ଆଶା ମୋ ପାଇଁ ଦିନର ଭାବନା
ଆଉ ସେ କେବେ ରାତିର ନୀରବ ପହରେ
ପ୍ରୀତି ପିୟୂଷର ମରୀଚିକା ବେଶରେ
ନିର୍ବ୍ୟାଜ ସମ୍ପର୍କର ଏକ ନିର୍ବୃତ୍ତ ବିତର୍କ !
ଆଶା ମୋ ପାଇଁ ସ୍ନିଗ୍ଧ ପାଗଳାମି
ନିଷ୍କ୍ରିୟ ସୁନାମୀର ସନନ୍ଦରେ
ମିଛ ଅଭିମାନର ମାୟାଜାଲରେ
ଛାତିତଳ କୋହରେ ହୃଦୟର ମୋହରେ
ମୋ ସ୍ପନ୍ଦନର ଦରଦୀ ଝରଣାରେ
କଳକଳ କରୁଥିବା ଝଙ୍କାର !
ମୋ ମିଠା ଅଭିଳାଷର ମଧୁର ବିଳାସରେ
ଆଶା ଏକ ଅଶାନ୍ତ ଅନୁରାଗ
କେବେ କପଟ ମିରିଗ ତ
ପୁଣି କେବେ ସ୍ବବ୍ଧ ଅନୁତାପ !
ଅସ୍ତମିତ ବିଳାପରେ
ସ୍ନେହର କାନନ ବକ୍ଷରେ
ଆଶା ଏକ ଲତାର ମେଳଣ
ଆଉ ନିଦ୍ରାଗତ ସ୍ମୃତିର ସୁପ୍ତ ଅନୁଭୂତି !
ଆଶା ସତରେ କୃତ କୂଳଙ୍କଷା
ତାାର କୁମ୍ଭୀପାକ ନିଶାରେ
ମୋର କୂଟଜ ଭାବନା ସବୁରେ ଭରା
ଆନମନା ସ୍ବପ୍ନାବିଷ୍ଟ ଚେତନାର ବାର୍ତ୍ତା !!
[ଶବ୍ଦାର୍ଥ :-
ନିର୍ବ୍ୟାଜ- ଛଳନାଶୂନ୍ୟ, ନିର୍ବୃତ୍ତ- ସମ୍ପର୍ଣ୍ଣ, କୃତ-ରଚିତ, କୂଳଙ୍କଷା-ନଦୀ, କୁମ୍ଭୀପାକ-ନର୍କ,କୂଟଜ-ବଣମଲ୍ଲୀ ]