Anita Dash

Classics Fantasy Others


3  

Anita Dash

Classics Fantasy Others


ଆଶା

ଆଶା

1 min 244 1 min 244


ଚାହିଁ ଚାହିଁ ଶୂନ୍ୟ ଆକାଶକୁ ,

ମନଟିଏ ସ୍ବପ୍ନ ଦେଖେ, ଆଖି ଖୋଲି;

ସମର୍ଥର ସାମର୍ଥ୍ୟକୁ ଡେଇଁ !

ସପନର କୁନି କୁନି ଟୁକୁଡାରେ ଚିଠି ଲେଖି ,

ମନ ଚଢେଇର କଅଁଳ ଡେଣାରେ ରଖି

ଆଶା ଶିକୁଳିରେ ଯୋଖି ;

ଛାଡି ଦିଏ ମୁକ୍ତ ଆକାଶରେ !

ପ୍ରାପ୍ତି ଓ ଅପ୍ରାପ୍ତି ;

ଭାଗ୍ୟ ଚୁମ୍ବକର ଦୁଇ ବିପରୀତ ମେରୁ !

ପ୍ରକୃତିର ନିୟମରେ ବାନ୍ଧି ହୋଇ

ଆଶାର ଲୌହ ଶିକୁଳିଟି ସଦା

ଆକର୍ଷିତ ହୋଇଥାଏ ପ୍ରାପ୍ତିର ଉତ୍ତର ମେରୁକୁ !

କିନ୍ତୁ ବହୁବାର ଭାଗ୍ୟରବି ବିଡମ୍ବନା ହୁଏ। 

ଅଚାନକ ଆସିଯାଏ ଅନାହୁତ ଚୁମ୍ବକୀୟ ଝଡ;

ହୋଇଯାଏ ସବୁ କିଛି ଓଲଟ ପାଲଟ !

ଆଉ ନିରାଶାର ଦକ୍ଷିଣ ମେରୁରେ

ଲୌହ ପିଣ୍ଡ ହୋଇଯାଏ ବିକର୍ଷିତ !

ଜୀବନର ଦୋଛକିରେ ଆଶା ଓ ନିରାଶା !

ନିରାଶାର ଅନଳରେ ଜଳି ଜଳି

ନିଃଶେଷ ହେବା ଆଗରୁ;

କକବିନା ଭୟ ଦେଖାଇ ଶୁଆଇ ଦିଏ

ମୋର ସେ କୁନି କୁନି ଅଝଟିଆ ଇଛା ଗୁଡିକୁ

ମୋ ଛାତି ଭିତରେ ଖୁବ ସନ୍ତର୍ପଣ ରେ !

ଶୀତ ସକାଳର ଉମ୍ହେଇରେ

ଶୀତ ସବୁ ଜଳି ଗଲା ପରି

ମରି ମରି ଯାଉଥାଏ ଆଶାର ସଉଧ,

ଆଉ ମୁଁ ରହିଯାଉଥାଏ ଅବଶେଷ ......

ନିର୍ବିକାର ଚିତ୍ତ !


Rate this content
Log in

More oriya poem from Anita Dash

Similar oriya poem from Classics