ଲାଇବ୍ରେରୀ
ପ୍ରୋଫାଇଲ୍
ଆସ ଯିବା ବିଦ୍ୟାଳୟ
ଆସ ଯିବା ବିଦ୍ୟାଳୟ
1 min
387
ଆସ ଆସ ମିତ ଆସଗୋ ସଙ୍ଗାତ
ଯିବା ଆମେ ବିଦ୍ୟାଳୟ
ଅଟେ ଦଣ୍ଡମୁକ୍ତ ଶିକ୍ଷାର ମନ୍ଦିର
ନକରିବା ଆଉ ଭୟ।
ଗୁରୁଜୀ ଗୁରୁମା ପିତାମାତା ସମ
ଶିଖାଇବେ ନୂଆ କଥା
ଭବିଷ୍ୟତ ଆମ କରିବେ ଉଜ୍ଜ୍ବଳ
ଯାହାପାଇଁ ଯୋଗ୍ୟ ଯଥା
ସେନେହ ଆଦର ମିଳିବ ଅପାର
ଶିକ୍ଷାରେ ରଖିବା ଲୟ।
ମିଳିମିଶି ସର୍ବେ କରିବା ଭୋଜନ
ଭୁଲି ମାନ ଅଭିମାନ
ଛୋଟ କଳି ଆମେ ଆମରି ମହକେ
ମହକିବ ତପୋବନ
ଗୁରୁଙ୍କର ବାଣୀ ବେଦ ସମ ମଣି
ଶିକ୍ଷାର କରିବା ଜୟ।
ନିଜ ହସ୍ତେ ନିଜ ବିଦ୍ୟାଳୟ ଗଢି
କରିବା ସୁନ୍ଦର ସ୍ବଚ୍ଛ
ପରିବେଶ ତା'ର ହେବ ନିରିମଳ
ଲଗାଇବା ଚାରା ଗଛ
ଗତ,ଜଳ ଦେଇ କରିଲେ ଯତନ
ପିଣ୍ଡ ହୋଇବ ତା ଥୟ।
