ଆସ ଗଛ ଲଗାଇବା
ଆସ ଗଛ ଲଗାଇବା
ମଞ୍ଜିଟିଏ ପୋତି ମାଟିତଳେ ଦିନେ,
ପାଣି ଟିକେ ଦେଇଦେଲି.
ସୁନ୍ଦର ଗଛଟି ପତର ମେଳିଲା,
ଦୁଇଟି ନୟନ ଖୋଲି l
ଯତନ କରିଲେ ନିଶ୍ଚୟ ମିଳିବ,
ଆଶାନୁରୂପକ ଫଳ.
ଗଛରେ ଫଳିବ ଟଙ୍କା ସବୁ ଭାଈ,
ଆମ ଜୀବନର ସିଏ ମୂଳ l
ପାଣି ଦେଉଥିବା କୁନି ଗଛମୂଳେ,
ବଡ଼ ହୋଇବ ସେ ଦିନେ .
ଡାଳରେ ତାହାର ଫୁଲର ସମ୍ଭାର,
ଆନନ୍ଦ ଦେବ ସେ ମନେ l
ଫୁଲ ଫୁଟିଯିବ ଫଳ ଫଳିବ,
ହୋଇବ ଅମୂଲ ମୁଲ.
ନିଶ୍ୱାସ ନେବାକୁ ଅମ୍ଳଜାନ ଦେବ,
ଫଳ ହେବ ଟଙ୍କା ତୁଲ l
ଗଛଟି ନଥିଲେ ଜୀବନ ନଥାନ୍ତା,
ଗଛ ଯେ ଆମର ବନ୍ଧୁ.
ନିଜକୁ ଭୁଲି ସେ ଜନ ହିତେ ଥାଏ,
ତ୍ୟାଗରେ ସେ ମହାସିନ୍ଧୁ l
ପାଣିଦେଇ ତାକୁ ବଞ୍ଚାଇଥିବାରୁ,
ସମର୍ପିତ ତା ଜୀବନ.
ଶୁଖିଗଲେ ମଧ୍ୟ ଶରୀର ତାହାର,
ଆମକୁ କରଇ ଦାନ l
ପତ୍ର ଆଉ ଫୁଲ ଡାଳ ଆଉ ଚେର,
ଆମରି କାମରେ ଲାଗେ.
ଜୀବନ ବଞ୍ଚାଏ ଅମ୍ଳଜାନ ଦେଇ,
କେବେ କି ସେ କିଛି ମାଗେ ?
ଆସ ଆସ ଭାଈ ଲଗାଇବା ଗଛ,
ପ୍ରକୃତିର ବନ୍ଧୁ ହେବା.
ସବୁଜିମା ଭରି ବାୟୁମଣ୍ଡଳକୁ,
ବିଶୁଦ୍ଧ ଆମେ କରିବା l
ଯେତେ ଗଛ ଆମେ ଲଗାଇବା ସାଥୀ,,
ପୃଥିବୀ ହେବ ସୁନ୍ଦର.
ଫଳରୂପେ ଖାଲି ଟଙ୍କା ମିଳୁଥିବ,
ହସିଉଠୁଥିବ ଆମ ସଂସାର l