ଆସ ଆସ ଭାଇ ଗୀତ ଗାଇ ଗାଇ

ଆସ ଆସ ଭାଇ ଗୀତ ଗାଇ ଗାଇ,

                       ସାଥି ମେଳେ ସମୟ ଦେବା ବିତାଇ।

ଦୁଃଖରେ କାତର ନହୁଅ ଭାଇ,

                         ଖୁସି ରେ ବିଭୋର ନହେବ କେହି ।

ଦୁଃଖ ପରେ ସୁଖ ଆସଇ ଭାଇ,

                           ରାତି ପରେ ଦିନ ହୋଇଣ ଥାଇ ।

ଖୁସିକୁ ବାଣ୍ଟିଲେ ହୁଏ ଦ୍ବିଗୁଣିତ,

                          ଦୁଃଖକୁ ବାଣ୍ଟିଲେ ଭରିଯାଏ କ୍ଷତ।

ମିଳିମିଶି ହୋଇ ଆମେ ଚଳିବା,

                         ବିପଦେ ଅନ୍ୟକୁ ସାହାଯ୍ୟ ହେବା ।

ସବୁରି ସାଥିରେ ଆମେ ବଢିବା,

                          ଦେଶ ବିକାଶରେ ସାମିଲ ହେବା ।

ସବୁ ଧର୍ମକୁ ଆମେ କରି ଆଦର,

                             ଦୁନିଆଁରେ ହେବା ଏକ ନମ୍ବର ।

ଆଳସ୍ଯ କୁ ଭୁଲି କର୍ମଠ ହେବା,

                        ଶତ୍ରୁକୁ ଆମେ କଡା ଜବାବ ଦେବା।