ଆର୍ଯ୍ୟଭୂମି
ଆର୍ଯ୍ୟଭୂମି
ଉତ୍କର୍ଷ ଜ୍ଞାନ କଳା ଓ ବିଜ୍ଞାନ
ବ୍ୟାକରଣ ବେଦ ଉପନିଷଦ
ସ୍ରବଇ ଅମୃତ ସତ୍ୟ ଚିରନ୍ତନ
ଆର୍ଯ୍ୟଭୂମି ବର୍ଷ ଭାରତ ।
ତପ ତ୍ୟାଗ ନିଷ୍ଠା କର୍ତ୍ତବ୍ୟ ନିଷ୍ଠତା
ସେବା ଦାନ ଧ୍ୟାନ ଦୟା କ୍ଷମା
ଉତ୍ତମ ଆଦର୍ଶ ଗୁଣ ସୁସ°ସ୍କାରେ
ଅଗ୍ରଣୀ ଭାରତ ଦେଶ ଅନନ୍ୟା ।
ପ୍ରକାଶେ ଦିବ୍ୟତା ମଧୁର ମମତା
ପ୍ରତିଟି ଜୀବନ ସ୍ନେହ ଶରଧା
ପ୍ରେମ ଅନାବିଳ ବନ୍ଧନ ନିବିଡେ
ସୁବିଶ୍ୱାସେ ହୁଏ ସମ୍ପର୍କ ବନ୍ଧା ।
ମାଆ ମାତୃଭୂମି ମାତୃଭାଷା ପ୍ରତି
ରହିଥାଏ ଯହିଁ ଆଦର ଭକ୍ତି
ସୂର୍ଯ୍ୟ ସମ ପିତା ପରିବାର ମୁଖ୍ୟ
ଆଲୋକର ଉତ୍ସ ଯୋଗାନ୍ତି ଶକ୍ତି ।
ବସୁଧାକୁ ମଣି ନିଜର କୁଟୁମ୍ବ
ପରକୁ ଆପଣା ଭାବେ ସମାଜ
ମଙ୍ଗଳ କାରଣେ କାୟମନୋବାକ୍ୟେ
କରୁଥାଏ ସଦା ସେବା ସତ୍କାର୍ଯ୍ୟ ।
ଉନ୍ମେଷେ ଉଦ୍ଭବେ ମୈତ୍ରୀ ସଦ୍ଭାବନା
ସଙ୍କଳ୍ପନା ସ୍ୱପ୍ନ ସବୁଜିମା
ସାର୍ଥକ ସୁନ୍ଦର ସୁଲଭ ସ୍ୱଚ୍ଛନ୍ଦେ
ଆର୍ଯ୍ୟ ଦେବଭୂମି ଅନୁପମା ।
-----