ଆମେ ହେଲୁ ପରେ ନେତା

ଆମର ମୁଡେ ଗାନ୍ଧୀ ଟୋପି

ଆମେ ପିନ୍ଦସୁ ଧୁଟି,

ପାଦେ ଫଟା ଚପଲ ଆଉ

ଧର୍ସୁ ଆମେ ଛତା ।

ଆମେ ହଉଛୁଁ ଦେଶର୍ କର୍ତ୍ତା

ଆମେ ହେଲୁ ପରେ ନେତା

ଆମେ ହେଲୁ ପରେ ନେତା ।

ଭୋଟ ଆଏଲେ ବଡସି ଆମର ବୁତା

ସବ କର୍ ପାସ୍ କେ ଜିବାର୍କେ ପଡଶି

କେତେ ଆମର ସାଂଗ ସର୍ତା ।

କେତେ ମଦ କୁକୁଡ଼ା ଆଉ ଟଂକା ପୈସାର ଖେଲ

କେତେ ମିଟିଂ କେତେ ଛିଟିଂ ହେସି ବେଲ୍ବେଲ୍

ଭୋଟର ବେଲେ ଆମେ ନାଇଁ ମାନୁ ବାଡବତା 

ଆମେ ହେଲୁ ପରେ ନେତା

ଆମେ ହେଲୁ ପରେ ନେତା ।

ହାତୀ ଦେମି ଘୁଡା ଦେମି 

କହେସୁ ଆମର କାମ

କଥା ଦେଇକରି ଭୁଲି ଜାଏସୁଁ 

ହେଉ ପଛେ ବଦନାମ ।

ଭୋଟ ଲାଗି ଆମେ ଯାଏସୁଁ

ଘର୍ ଘର୍ ପଡ଼ା ପଡ଼ା

ଭିତରେ ଭିତରେ ବାଟସୁଁ 

ନୋଟ କେତ୍ନି କେତ୍ନୀ ବିଡା ।

ଭୋଟ ପାଇ ଗଲେ ଆମେ ହେସୁ ଜଗତଜିତା

ଆମେ ହେଲୁ ପରେ ନେତା

ଆମେ ହେଲୁ ପରେ ନେତା ।