ପିଜୁଳିବାରି

ମୋ ଗାଁ ନାମ ସରଧାପୁର

 ଗାଁ ଟି ମୋହର ଭାରି ସୁନ୍ଦର 

ଗାଁ ରେ ଅଛନ୍ତି ଖଲିଆ ଅଜା 

ତାଙ୍କ ସଂଗେ କରୁ ଥଟ୍ଟା ମଜା

 ଖଲିଆ ଅଜାଙ୍କ ପିଜୁଳିବାରି 

ଭାରିିମିଠା ତାଙ୍କ ବାରି ପିଜୁଳି 

ପିଜୁଳି କେତୋଟି ଖାଇବା ପାଇଁ 

ସାଙ୍ଗ ପାଞ୍ଚ ଜଣ ଚାଲିଲୁ ଧାଇଁ 

ପହଂଚିଲୁ ଯାଇ ଅଜା ବାରିରେ 

ପିଜୁଳି ତୋଳିବା ପାଇଁ ଲୋଭରେ

 ଦୁଇ ଜଣ ଯାଇ ଗଛ ଚଢିଲେ 

ଆଉ ତିନିଜଣ ତଳେ ରହିଲେ

 ଗଛ ଖଡ଼ ଖଡ଼ ଶବଦ ଶୁଣି 

ଠେଙ୍ଗା ଧରି ଅଜା ଆସିଲା ପୁଣି 

ତଳ ତିନି ଜଣ ପଳାଇଗଲେ 

ଉପର ଦୁହେଁ ଗଛେ ରହିଲେ 

ସେଥିରୁ ଗୋଟିଏ ଥିଲା ଚଗଲା 

ମଉକା ଦେଖି ପଳେଇଗଲା 

ଅଜା ହାବୁଡ଼ରେ ଆମ ଶଙ୍କର 

ଭାବିଚିନ୍ତି ସିଏ ଦେଲା ଉତ୍ତର

ବାଦୁଡ଼ି ମାନଙ୍କୁ ତଡିବା ପାଇଁ 

ମାରୁଥିଲି ଢେଲା ଗଛକୁ ଚାହିଁ 

ଯେମିତି ଏକଥା ଅଜା ଶୁଣିଚି 

ଖୁସିରେ ଶଙ୍କର କୁ କହୁଛି 

ଶଙ୍କରଟା ମୋ ନାତି ଭଳିଆ

 ପିଜୁଳି ଯୋଡି଼ଏ ନେଇତୁ ଯାଆ 

ଶଙ୍କର ଖୁସିରେ ପିଜୁଳି ଧରି 

ଛାଡି ପଳାଇଲା ପିଜୁଳିବାରି