ଲାଇବ୍ରେରୀ
ପ୍ରୋଫାଇଲ୍
ଆମେ ଗୁରୁ
ଆମେ ଗୁରୁ
1 min
162
ଆମରି କୋମଳ
ପରଶରେ ସିନା
ଶିକ୍ଷାର ଫୁଲ ଫୁଟେ
ଦିଗ ଚହଟାଇ
ଭୂମିରୁ ଭୂମାକୁ
ସୁବାସ ତାହାର ଛୁଟେ ।
ଶିକ୍ଷା ଫୁଲ ରେଣୁ
ସବୁଠି ବିଞ୍ଚିବା
ଅଶିକ୍ଷା କରିବା ଦୂର
ହୃଷ୍ଟମନା ହୋଇ
କର୍ତ୍ତବ୍ୟ ପାଳିବା
ହେବା ନାହିଁ କେବେ କ୍ରୂର ।
ପିତାମାତା ସମ
ସ୍ନେହ ବାରି ସିଞ୍ଚି
ଭିଜାଇବା ଶିଶୁଗଣେ
ଅତି ଶରଧାରେ
ଜ୍ଞାନର ଆଲୋକ
ବିତରିବା ଜଣେଜଣେ ।
ଭକତି ଭାବନା
ହୃଦେ ଭରିଦେବା
ଈର୍ଷା ଅସୂୟାକୁ ଭୁଲି
ଶିଷ୍ୟର କଲ୍ୟାଣ
କରୁଥିବା ସଦା
ଶିକ୍ଷା ଉପବନେ ବୁଲି ।
