ଆମେ
ଆମେ
କହିବାଟି ସତ ନକହିବା ମିଛ
ସବୁଥିରେ ଆଗ ନହୋଇବା ପଛ
ହେବା ଦୟାଶୀଳ ନହେବା ନିର୍ଦୟ
ଖୋଜିବା ଉପାୟ ହେଲେ ନିରୁପାୟ ।
କରିବାନି ପାପ ପୁଣ୍ୟେ ଥାଉ ମନ
ନହୋଇ କୁଣ୍ଠିତ କରୁଥିବା ଦାନ
ପଢାରେ ଆଗ୍ରହ ହୋଇବା ପାଠୁଆ
ଦେଖାଇବା ଫୁର୍ତ୍ତି ନୁହେଁ ଅଳସୁଆ ।
ହୋଇବା କର୍ମଠ କୋଢ଼ି ନହୋଇବା
ନୁହେଁ ଅପକାରୀ ଉପକାରୀ ହେବା
ହେଲେ ବୁଝାମଣା ଆସିବନି ଦ୍ଵନ୍ଦ
ହୋଇଯିବା ଭଲ ଛାଡିଦେଲେ ମନ୍ଦ ।
ରଖିବା ବିଶ୍ୱାସ ନୁହେଁ ଅବିଶ୍ୱାସ
କରିବା ବିକାଶ ନୁହେଁ ଅବକାଶ
ନହୋଇବା ଖଳ ହୋଇବା ଉତ୍ତମ
କରିବାରେ କର୍ମ ନୁହଁଇ କୁକର୍ମ ।
ଯିବାରେ ବାଟରେ ନୁହେଁ ଅବାଟରେ
ଥିବାରେ ସତ୍ୟରେ ନୁହେଁ ଅସତ୍ୟରେ
ହୋଇବାରେ ନମ୍ର ନକରି ଦୃଷ୍ଟାମି
ବ୍ୟବହାର ଆମ ଶିଷ୍ଟ ଓ ଭଦ୍ରାମି ।
ହେବାଟି ଚଞ୍ଚଳ ନହୋଇବା ଧିର
ସଭିଏଁ ଆପଣା ନୁହେଁ କେହି ପର
ତ୍ୟାଗିଲେ ନିର୍ଗୁଣ ହେବା ଗୁଣବାନ
କରିଲେ ବ୍ୟାୟାମ ଭଲ ରହେ ମନ ।