ଓଡ଼ିଶାର ଛବି
ଓଡ଼ିଶାର ଛବି
କୁଆଡେ ଗଲାଣି ଚାଷ ଜମି ସବୁ
ଠିଆ ହୋଇଲାଣି କୋଠା
ଜଙ୍ଗଲ ପାହାଡ଼ ମୁଣ୍ଡିଆ ଦିଶୁନି
କାହିଁ ଗଲା ବିଲ ତୋଟା ।
ବିକାଶର ନାରା ପ୍ରଚାର କରୁଛି
ଖବରକାଗଜ ପିଠି,
ବିଜ୍ଞାପନ ଦାତା ମଲାଟ ଛାପନ୍ତି
ବେତାର ପଢ଼ଇ ଚିଠି ।
ଆକାଶ ଛୁଇଁବା ଗଛ ଗୁଡା ସବୁ
ମାଟିରେ ଗଲେଣି ଲୋଟି
ପଥର ଶିଳାର ପ୍ରତିମୂର୍ତ୍ତି ମାନେ
ପିନ୍ଧିଲେଣି ପରିପାଟି ।
ବାଟୋଇ ଭାଇଟି ସଡକ ଛକରେ
ଖରାରେ ହୁଅଇ ଠିଆ,
ସେହି ଛକେ ଆଜି ଗଛଟିଏ ନାହିଁ
ଫଳକ କାହାର ଥୁଆ ।
ଯୁଗେ ଯୁଗ ଧରି ଗଛ ମାନେସବୁ
ପୂଜା ପାଉଥିଲେ ଦିନେ,
ସେହି ଗଛ ମାନେ ଜନ ହିତ ଲାଗି
ରହିଛନ୍ତି ଆଜି ମନେ ।
ଆଜି ସେଇ ଗଛ ମାଟିରେ ମିଶୁଛି
ଖୋଲୁନି କାହାର ପାଟି
ନିରିଦୟ ଏହି ମଣିଷ କେମିତି
କୁରାଢ଼ୀରେ ଦିଏ କାଟି ।
ବଦଳିବ ଗଲାଣି ଓଡ଼ିଶାର ଛବି
ଭୋକେ ମରିଲେଣି ଜୀବ,
ଶୁଭୁନାହିଁ ଆଉ ଜନପଦ କଡେ
ଜୀବ ଜନ୍ତୁଙ୍କର ରବ ।
ଋତୁଚକ୍ର ଆଉ ପାଣିପାଗ ସବୁ
ବଦଳି ଯାଉଛି କାହିଁ,
ଆମେ ନବଦଳିଲେ ଦୁନିଆ କେମିତି
ବଦଳିବ କୁହ ଭାଇ ।