ଆମ ପରିବାର

ଆମେ ସବୁମିଳିମିଶି ରହିଥାଉ ଯେଉଁଠି,

ସିଏ ଆମ ପରିବାର ଖୁସିଥାଏ ସେଇଠି ।

ଜେଜେ,ଜେଜେମା ଆମର ସିଏ ଭାରି ବଢ଼ିଆ,

କେବେହେଲେ ଲାଗନ୍ତିନି ଅାମକୁ ସେ ଅଡୁଆ ।

ଜେଜେ ଆମ ଭାରି ଭଲ କେତେ ଗପ କହନ୍ତି,

ଜେଜେମା ତ ସବୁବେଳେ ଆମ ଯତ୍ନ ନିଅନ୍ତି ।

ଅଫିସ୍ କୁ ବାପାଗଲେ ମା ଏକା ରହନ୍ତି,

ଏମାନେ ଥିବାରୁ ବହୁ ସାହାଯ୍ୟ ସେ ପାଆନ୍ତି ।

ଜେଜେ,ଜେଜେମାଙ୍କର ବଢ଼ିଲାଣି ବୟସ,

ସେଥିପାଇଁ ମା ନିଏ ତାଙ୍କ ଯତ୍ନ ଅଧିକ ।

ଯେଉଁଘରେ ନରହିବେ କେହିହେଲେ ବୟସ୍କ,

ସେ ଘରର ପିଲାମାନେ ହେବେ ଅନ୍ୟମନସ୍କ ।

ଭାଇ,ଭଉଣୀ ସମସ୍ତେ ଖେଳୁ ଆମେ ଏକାଠି,

ଆମଭିତରେ ନଥାଏ ଭେଦଭାବ କିଛିଟି ।

ନିତି ଶୋଇଲାବେଳକୁ ଜେଜେ ଗପ କହନ୍ତି,

ନିଦ କେବେ ଆସିଯାଏ ଜାଣିହୁଏ ନାହିଁଟି ।

ଜେଜେଙ୍କ ସାଥୀରେ ଖେଳୁ ଲୁଡୁ ଆଉ କ୍ୟାରମ୍,

ବୋର୍ ଆଉ ଲାଗେନାହିଁ ଲାଗେ ବଡ ଆରାମ ।

କେତେ ପିଠାପଣା ଆମ ଜେଜେମାଆ କରନ୍ତି,

ପିଠିକୁ ଆଉଁସି ଦେଇ ଖାଇବାକୁ ଦିଅନ୍ତି ।

ଆମଘର ଭାରିଭଲ କେବେ କଳି ଲାଗେନା,

ସବୁବେଳେ ବହୁଥାଏ ସେନେହର ଝରଣା ।

ମିଳିମିଶି ରହିବାରେ ଯେଉଁ ମଜା ଥାଏଟି,

ଏକୁଟିଆ ରହିଲେ ସେ ମଜା ମିଳେ ନାହିଁଟି ।

ସୁଖଦୁଃଖ ଆମେ ଏଠି କରିଥାଉ ସେୟାର,

ପରିବାର ଲୋକେ ଆମ ନେଇଥାନ୍ତି କେୟାର ।

ପରିବାରପରି ଜାଗା ପୃଥିବୀରେ ନାହିଁଟି,

ରହିଛି ମୁଁ ରହିଥିବି ସବୁବେଳେ ସେଇଠି ।