ଆମ ମାତୃଭାଷା

ମାତୃଭାଷା ଆମ ହଜିତ ଗଲାଣି

ଅଧୁରା ଇଂଗ୍ରାଜୀ କହୁ ।

ବାପା ମାଆ ଡାକ ଲିଭି ଲିଭି ଯାଏ

ଡାଡି, ମମି ଆମେ କହୁ ।।

ଆମ ଶିକ୍ଷା ଆମ ସଂସ୍କୃତିକୁ ଆମେ

ନିର୍ଭୟରେ ଭୁଲିଯାଉ ।

ଆମେ ଚାହୁଁ ଆମ ପାଶ୍ଚାତ୍ୟ ସଭ୍ୟତା

ଅତ୍ୟନ୍ତ ସୁନ୍ଦର ଥାଉ ।।

ଇଂଗ୍ରେଜ ଆମକୁ ଗୋଲାମ କରିଲେ

ଘୃଣା କରୁ ଆମେ ତାଙ୍କୁ ।

ସ୍ବାଧୀନତା ପରେ ତାଙ୍କ ଭାଷା ରଖି

ତଡିଦେଲୁ ଆମେ ତାଙ୍କୁ ।।

ତାଙ୍କ ଫୁଲ ଡ୍ରେସ୍ ପସନ୍ଦ ଆମର

ଧୋତି କୁର୍ତ୍ତା ଗଲା ଚୁଲିକି ।

ଆଉ ଅଳ୍ପ ଦିନେ ଶାଢି ଉଭେଇ କି

ଇତିହାସ ନେବ ନାଁ କି ? ।।

ଜିନ୍ସ ପ୍ୟାଣ୍ଟ ଆଉ ଟି ସାର୍ଟ ପିନ୍ଧି

ମହିଳା ସ୍ମାର୍ଟ ହୁଅନ୍ତି ।

ନିକମା ପୁରୁଷ ହାବୁଡ଼ରେ ପଡି

ନିଜକୁ ତ ବଳି ଦିଅନ୍ତି ।।

ଆମ ସାହିତ୍ୟକୁ ଆମେ ବୁଡାଉଛୁ

ହଜି ଯାଏ ମାତୃଭାଷା ।

ଆମ ପରମ୍ପରା କେତେ ଯେ ମହାନ୍

ଠିକ୍ ସେ କହୁନା ଭାଷା ।।

ନିଇତି ଅଧୁରା ଇଂଗ୍ରାଜୀ କହି କି

ଆମେ ଚିନ୍ତା କରୁ ମନେ ।

ଇଂଗ୍ରାଜୀ କହି କି ସାହେବ ହେଇଛୁ

ଗର୍ବ କରୁ ମନେ ମନେ ।।

ଆଜି ଆମ ପାଖେ ପହଞ୍ଚି ଯାଉଛି

ଷ୍ଟୋରି ମିରର୍ ର ଲିଙ୍କ୍ ।

ବୁଡି ବନି ଆଉ ମାତୃଭାଷା ଆମ

ବିଶ୍ୱାସ ଆସିଛି ସଭିଙ୍କି ।।