ଆମ ଭାରତୀୟ ସଂସ୍କୃତି

ଯୁଗ ଯୁଗ ଧରି ରହିଛି, ଆମର 

ଭାରତୀୟତା ସଂସ୍କୃତି,

ଶିଖାଏ ବିଭିନ୍ନତାରେ ଏକତା ଓ 

ଭାତୃତ୍ୱତାର ପ୍ରୀତି |୧|

ସ୍ନେହ ଶ୍ରଦ୍ଧା ଓ ଅତ୍ମୀୟତାବୋଧ

କୁ ସଦା ବାଣ୍ଟି ଥାଏ, 

ବିଭିନ୍ନତା, ହିଂସା ଓ ଦ୍ବେଷ କେବେ 

ଶିଖାଇ ନଥାଏ |୨|

ଶ୍ରମିକ ଚାଷୀ, ଅଛି ଓ ଥିଲେ ମଧ୍ୟ 

ଘୋର ଅଭାବରେ, 

ଏକାଠି ହୁଅନ୍ତି ସରବ ତେର ପରବ 

ଜାନି ଯାତ୍ରା ରେ |୩|

ନୀଳକଣ୍ଠ, ଏକ ରୂପ, ନିଜେ କଷ୍ଟ 

ପାଇ ଅନ୍ଯକୁ ବଞ୍ଚାଇବା

ମୋ ଜୀବନ ପଛେ ନର୍କେ ଥାଉ, 

ସର୍ବେ ଉଦ୍ଧାର ହେବା |୪|

ନୀତି ଆମର ବସୁଧା ଏକ କୁଟୁମ୍ବ, 

ସର୍ବେ ଭବନ୍ତୁ ସୁଖିନଃ

ଆମ ଭାରତୀୟ ସଂସ୍କୃତିର ଉଜ୍ଜ୍ୱଳତା 

ଶାନ୍ତ କରେ ମନ |୫|

ସନାତନ ଧରମରେ ଦେଖ ସରବେ 

ନଥିଲା ତ ଜାତି ପ୍ରଥା

ପାଇବା, ନଥିଲା କେବେହେଲେ 

ସାମ୍ପ୍ରଦାୟିକତାର ସତ୍ତା |୬|

ନଥିଲା ତ କେବେ ସଂକୀର୍ଣତା କିମ୍ବା 

ଆଂଚଳିକତା ର ଭାବ

ତେଣୁ ଧରାରେ ସଂସ୍କୃତିର ରହିଥିଲା 

ହୋଇ ମହାନ୍ ଭାବ |୭|

ଛାଡିଲେ ଜାତି ପ୍ରଥା, ସଂକୀର୍ଣତା, 

ଧର୍ମ ନାମେ ସାମ୍ପ୍ରଦାୟିକତା

ଆମ ସଂସ୍କୃତି ଥିଲା, ଓ ଦିନେ ନିଶ୍ଚିତ 

ହୋଇବ ଜଗତଜିତା |୮|

ଆସ ମୋ ଦେଶର ଭଉଣୀ ଓ ଭାଇ 

ସମସ୍ତେ ଏକାଠି ହେବା, 

ଆମର ଭାରତୀୟ ସଂସ୍କୃତିକୁ ପୁନଶ୍ଚ 

ଉଜ୍ଜୀବିତ କରିବା |୯|

ମୋ ଜୀବନ ପଛେ ନର୍କେ ଥାଉ, 

ଜଗତ ଉଦ୍ଧାର ହେଉ

ଭାରତୀୟ ସଂସ୍କୃତି ବିଶ୍ୱ ଦରବାର

ରେ ନିତି ରହିଥାଉ |୧୦|

ଛାଡିବା ମନୁ ଜାତି ପ୍ରଥା, ଓ ସରବ 

ପ୍ରକାର ସଂକୀର୍ଣତା,

ଜଗତରେ ଶ୍ରେଷ୍ଟ ହେବା, ତ୍ୟାଗ କରି 

ସାମ୍ପ୍ରଦାୟିକତା |୧୧|