ଆଳସ୍ଯ

ଆଳସ୍ଯର ସ୍ଥାନ ନଥାଏ ଜୀବନେ

   ଯିଏ ଅଟେ କର୍ମବୀର 

ଭାଗ୍ଯକୁ ନ ନିନ୍ଦି ଦୁଃଖରେ ନରହି 

  ପରିଶ୍ରମ ଟିକେ କର।।

ମାଆ ଧରିତ୍ରୀ ଯେ ସାଇତି ରଖିଛି 

   ସବୁଚିଜ ଆମ ପାଇଁ 

ଶ୍ରମ କଲେ ସିନା ସୁଖରେ ରହିବା 

   ଅଭାବ ରହିବ ନାହିଁ।।

ଆଳସ୍ଯ ତ ଅଟେ ଦୁଃଖର କାରଣ 

    ଶ୍ରମ ସୁଖର କାରଣ 

ବାଇ ଚଢେଇଟି ବିନା ଶ୍ରମରେ କି'

    ବସା କରଇ ନିର୍ମାଣ।।

ଭ୍ରମର କି ଯଦି ଉଡିବୁଲେ ନାହଁ 

  ମଧୁ କି ପ୍ରବେଶେ ମୁଖେ

ବିନା ପରିଶ୍ରମେ ଜୀବ ଠାରୁ ଜନ୍ତୁ

   ରହି କି' ପାରିବେ ସୁଖେ।।

ଅଳସୁଆ ହେଲେ ଦୁଃଖ ପାଇବାଟା 

  ଏହା'ତ ଶାସ୍ତ୍ରରେ ଲେଖା 

ପରିଶ୍ରମି ଲୋକ ସବୁବେଳେ ପାଇଁ 

   ସଂପଦର ହୁଏ ସଖା।।