ଆଖିରେ ଗୋରୀ ତୋର କଳା କଜ୍ଜ୍ବଳ

ଆଖିରେ ଗୋରୀ ତୋର କଳା କଜ୍ଜ୍ବଳ

ସତେ କି ନୀଳାକାଶେ କଳା ବାଦଲ 

ତୋ କଇଁଫୁଲିଆ ମୁହଁକୁ ଗୋରୀ

ନୀଳ ଆଖି ଢଳ ଢଳ

ହସି ଦେଲେ ତୁ ବିଜୁଳି ମାରେ

କଥା ତୋର ଚଞ୍ଚଳ।

ଚମ୍ପା ଗୋରୀ ମନ ତୋର ମୁଦା ଲଫାପା

ମୋ ପ୍ରେମର ଭାଷା ତହିଁ ହୋଇଛି ଛପା 

ଯଉବନ ଢେ଼ଉ ଭାଙ୍ଗେ ଅଙ୍ଗେ ତୋର ଏମିତି

ପାହାଡ଼ ରେ ମଥା ପିଟେ ଭସା ମେଘ ଯେମିତି 

ଅଳସ ଭାଙ୍ଗିଲେ ତୁ ଲୋ

ସାତ ରଙ୍ଗେ ମନ ମୋର

ରଙ୍ଗିଯାଏ ପରା ସଅଳ ।

ଚାହାଣି ଟା ଗୋରୀ ତୋର ତେଲେଙ୍ଗା କତୁରୀ

ହାଣି ଦେଇ ହୃଦୟକୁ କରିଛୁ ଲୋ ଚୋରି 

ସାବନା ସାବନା ରଙ୍ଗ ଭାରି ଚୁଲୁବୁଲି 

ଅଡ଼ୁଆ ସୂତାର ଖିଅ ବୟସ ନହୁଲି

ନାଲି ନାଲି ଓଠ ତୋର

ଓଠ ତଳେ ଛୋଟ ତିଳ 

କରିଦିଏ ମୋତେ ପାଗଳ ।