ତୁମେ ମୋର ଆଉ ମୁଁ ହିଁ ତୁମର

ତୁମେ ଯେତେବେଳେ ଗୀତ ଗାଅ

ଖୁବ୍ ମଜା ଲାଗେ ମତେ

ଅନୁଭବ କରେ ମୁଁ

ସତେ କି ଲୁଚିଛି ମୁହିଁ

ତୁମ ପଣତ କାନିରେ

ଭିଡି ଧରି ଶୁଆଉଛ

ତୁମର ସେ କୋମଳ କୋଳରେ ।

ତୁମ ସଜ ଫୁଟା

ଦେହକୁ ଛୁଇଁଲେ

ମତେ ଲାଗେ ଗୋଲାପ ପାଖୁଡା

ଆଉ

ଭୁରୁ ଭୁରୁ ବାସ୍ନା ଭାସିଆସେ

ରାତ୍ରୀର ରଜନୀଗନ୍ଧା ରୁ

ତୁମେ ଆଉ ମୁଁ ଶୋଇ ଯାଇଛେ

ଗୋଲାପ ଶେଜରେ ।

ଉଜାଣୀ ଯମୁନା ର

ରାଧା ପରି ଆସ ତୁମେ

କଦମ୍ବ କାନନେ

ମୋର ହୃଦୟର 

ବଂଶୀ ସ୍ବନ ଶୁଣି

ଯେମିତି ସତେକି

ପାଗଳି ପ୍ରେମିକା 

ତେଣୁ ମୋ ମନର 

ଛୋଟିଆ କୁଡ଼ିଆରେ

ଶୀତୁଆ ବରଫ ଜମାଟ ବାନ୍ଧେ

ପ୍ରଚଣ୍ଡ ଗ୍ରୀଷ୍ମରେ ମତେ ଲାଗେ

ମୁଁ ତରଳି ଯାଇଛି

ତୁମରି ଭିତରେ ।

ତୁମ ଭୁଲତାର କଳା ଦାଗ 

ପୂର୍ଣ୍ଣିମାର ଜହ୍ନ ଭଲି

ତୁମ ଲାଲ ଟିକିଲି ଟି 

ଭ୍ରମ ସୃଷ୍ଟି କରେ

ମନ ମୋର କୃଷ୍ଣ ବେଶ ଧରେ

ଆଉ ତୁମେ ଅଳି କର

ମୋହନ ବଂଶୀ ପାଇଁ

ଓଠ ଫାଙ୍କେ

ମିଞ୍ଜି ମିଞ୍ଜି ତାର ଭଲି ହସି ହସି

ମତେ ଲାଗେ ମୁଁ ଚୁମି ଯାଉଅଛି

ଶରୀର ତୁମର ।

ତୁମ ପାଦର ରୁମଝୁମ 

ପାଉଁଜୀର ଶଦ୍ଦ

ମତେ ଲାଗେ 

ମୋ ହୃଦୟ ସ୍ପନ୍ଦନ

ସହସ୍ର ଉତ୍ତେଜନା ଶରୀରରେ

ପ୍ରାଣରେ ଅପୂର୍ବ ଝଙ୍କାର

ମତେ ଯେମିତି ଲାଗେ

ତୁମେ ମୋର ଆଉ ମୁଁ ହିଁ ତୁମର ।