ସୁମଧୁର ସ୍ମୃତି
ସୁମଧୁର ସ୍ମୃତି
ସପନରେ ମିଳେ ସୁଖ ଅନୁଭବ
ଅନ୍ଧାରେ ଆଲୁଅ ଦିଶେ
ବିସ୍ମୃତି ଗର୍ଭରୁ ସ୍ମୃତିର ପାଗୋଡା
ମନ ଅଗଣାରେ ହସେ I
ହଜିଲା ଦିନର ସୁମଧୁର ସ୍ମୃତି
ମନ ଦିଏ ଚହଲାଇ
ଆଖି ବୋଳିହୁଏ ସପନର ରଙ୍ଗ
ହୃଦୟେ ବ୍ୟଥାର ନଈ I
କିଏ ସେ ଶୁଣିବ ହୃଦୟର ସ୍ୱର
ତୁମେ ନାହଁ ମୋର ପାଶେ
ସ୍ମୃତି ଉପବନେ ତୁମ ଛବି ଗୋଟି
ଗୋଲାପି ଗୋଲାପି ଦିଶେ I
ଜୀବନ ରାସ୍ତାରେ କେତେ ଖାଲଖମା
କେତେ ନଈ ବିଲବଣ
ସ୍ମୃତି ହୋଇ ତୁମେ ହୃଦୟରେ ମୋର
ଛାଡିଗଲ ପାଦଚିହ୍ନ I