ଆଖିରେ ଆଖିରେ

ଆଖିରେ ଆଖିରେ   କୁହେ ଇଶାରାରେ

     ପ୍ରିୟତମ ପ୍ରିୟତମା

ଖୋଜ ନାହିଁ ମୋତେ  କେଉଁଠି ବାହାରେ

    ପାଇବନି ମୋତେ ଜମା ।

ଫୁଲରେ ଫଳରେ    ରମ୍ୟ ଉପବନେ

     ଯେଉଁଠି ଖୋଜିବ ପ୍ରିୟ

କେବେ ହେବ ଦୃଶ୍ୟ  କେବେ ବା ଅଦୃଶ୍ୟ

      ରୂପ ଛାୟାଚିତ୍ର ପ୍ରାୟ ।

ନିଭୃତ ଅଦ୍ଭୁତ     ହୃଦୟ କନ୍ଦରେ

     ଶୁଭେ ଅନାହତ ସ୍ୱନ

ସ୍ନେହ ଅନୁରାଗେ    ଜଳାଅ ପ୍ରଦୀପ

     ଅନାବିଳ ଜାଗୁ ପ୍ରେମ ।

ହୃଦୟ ମନ୍ଦିର    ସ୍ୱର୍ଣ୍ଣ ସି°ହାସନେ

     ମୂର୍ତ୍ତିମନ୍ତ ସୁଧା ପ୍ରେମ

ଜାଜ୍ଜ୍ୱଲେ ଜୀବନ    ସବୁଜ ସୁନ୍ଦର

     ଚିରନ୍ତନ ପୂର୍ଣ୍ଣକାମ ।

ଆଖି ସହ ଆଖି    ମନ ସହ ମନ

    ମିଶିଯାଇ ହେଉ ଏକ

ସୃଜୁ ଅବିକଳ     ପ୍ରାଣ ପ୍ରତିରୂପ

    ଜୀବନ ହେଉ ଉନ୍ମେଷ ।