ମୌସୁମୀ
ମୌସୁମୀ
ମୌସୁମୀ
ଏ ନିମନ୍ତ୍ରଣ ଚିଟାଉରେ ଲେଖି ଦେଇଛ କି, ଏମିତି ବାର୍ତ୍ତା
ଏଇ ଯେମିତି: ବୟର ଅପରାହ୍ଣରେ ଘୋଡାଦୌଡ
ଚୋରା ପ୍ରୀତିର ଲୁଚକାଳି ଖେଳ
ଅନନ୍ତ ସଂଭୂତା ଆତ୍ମ-ଦର୍ଶନର ଦିନଲିପି
ଏଇ ସେଦିନ : ଗୋଧୂଳୀ-ସଂଧାର ଫେରନ୍ତା ଲଗ୍ନରେ
ଗଣଧର୍ଷିତା ହେଲା ବିଚାରୀ ଝିଅଟି
କଣ ବା ଦୋଷ ତା’ର ? ମୌସୁମୀକୁ ଡାକିଥିଲା
ବୋଲି ଅପରୂପ ରୂପ ସଂଭାରରେ ?
ନିଜେ ନିଜର ଛାଇ ଦେଖୁଥିବା ନାର୍ସିସସ୍
ମଧୁକ୍ଷରା ସୁରଭୀ ଓ ନଷ୍ଟଧର୍ବଂକ ଗାଥା
ଅଂତରଂଗ ଅସହାୟତାରେ ପର୍ଯ୍ୟବସିତ
ସଂପର୍କର ସୁରମ୍ୟ ସୃଜନଶୀଳତା
ଯାହା ପ୍ରିୟଜନଂକ ଶୋକକୁ ଭୂଲିଯାଇ
ପୁଣି ଆଣିଦେବ ସତ୍ୟ ଧର୍ମ ନ୍ୟାୟର ତ୍ରିବେଣୀ ସଂଗମ ।।