ଆସିଛି ହୋଲି
ଆସିଛି ହୋଲି
ହୋଲି ରେ ହୋଲି
ରଙ୍ଗରେ ରଙ୍ଗାଇ ଦେବା ଜୀବନକୁ
ସ୍ନେହ ପ୍ରେମର ଦରଜା ଖୋଲି
ଏ ଆମ ପରବ ଏ ଆମ ପରମ୍ପରା
ସାରା ପୃଥିବୀରେ ଖୋଜିଲେ ମିଳେନା
ସରଗ ଲାଗେ ଏ ଧରା l
ରାଇ ସଙ୍ଗେ ଶ୍ୟାମ ଖେଳୁଥିଲେ ହୋଲି
ଆମ ଏ ପବିତ୍ର ମାଟିରେ ପରା
ଓଲ୍ହାଇ ଆସନ୍ତି ସରଗୁ ଦେବତା
ସରଗର ଡୋରି କାଟି l
ଆମ ଏ ପରବ ଆମ ଗୌରବ
ବିଶ୍ୱରେ ମିଳେନି କାହିଁ
ଭାଇଚାରା ହୋଇ ଖୁସି ମନାଇବା
ହୋଲି ଗୀତ ଆମେ ଗାଇ l
ସ୍ନେହ ଡୋରିର ମମତା ବନ୍ଧନ
ଭେଦ ଭାବ ସବୁ ଯିବା ଭୁଲି
ହୋଲିରେ ଆମେ କରିବା ରଙ୍ଗୀନ
ଭରି ରଙ୍ଗ ନାଲି ନେଳି l
ହିନ୍ଦୁ, ମୁସଲିମ, ଖ୍ରୀଷ୍ଟି, ଶିଖ
ସବୁ ଆମେ ଭାଇ ଭାଇ
ଏହି ଦୁଇ ଦିନ ଏଇ ଜୀବନଟା ଆମ
ବାଣ୍ଟିବା ଆମେ ଖୁସି ହୋଇ l