ଆଖିରେ ଆଖିରେ କହୁ କଥା

ଆଖିରେ ଆଖିରେ କହୁ କଥା ପ୍ରିୟା

ମନମୋର ନେଉ କିଣି

ନିରବ ଓଠରେ ସ୍ମିତ ହାସ୍ୟ ଦେଇ

କରିଦେଲୁ ମୋତେ ଗୁଣି

ଜାଣେନା କାହିଁକି ନିଜର ଲାଗୁ ତୁ

ମନ ତତେ ହୁଏ ଝୁରି

ତୋ ଚେହେରା ନାଚେ ଆଖିରେ ମୋହର

ଦିନରାତି ହୁଏ ଘାରି

ଚଗଲି ଚୁଲ୍ ବୁଲି ମନ ତୋ ଖିଆଲି

ଚାହାଣି ବନ ହରିଣି

ରାଜହଂସି ଚାଲି ରୂପ ଖିଲିଖିଲି

କମଳ ପ୍ରାୟେକ ମଣି

ସେ ରୂପେ ମୋହିତ ହୋଇଗଲି ମୁ ତ

ତୋ ପ୍ରେମେ ପଡିଲି ଜାଣି

ନାହିଁ କିଛି ଚିନ୍ତା ଭୟ ମୋର ଖାଲି

ତୁ ହି ମୋ ମନର ରାଣୀ

ପ୍ରେମ ର ପଥ ଟା ଫୁଲ ଠାରୁ କଣ୍ଟା

ପଥରେ ପଥରେ ସଜା

ତଥାପି ବିନିଦ୍ର ନୟନେ ଲୋଡୁଛି

ତୋର ସାନିଧ୍ୟର ମଜା

କରିବୁନି ଦୂର ଭାବିବୁନି ପର

ଏତିକି ରଖିବୁ କଥା

ନହେଲେ ପରାଣ ହାରିବି ତୋ ରାଣ

ଶୁଣିଲେ ପାଇବୁ ବ୍ୟଥା।