ଆଜାଦୀର ଅମୃତ ମହୋତ୍ସବ
ଆଜାଦୀର ଅମୃତ ମହୋତ୍ସବ
ଆମ ସ୍ୱାଧୀନତା ପଚସ୍ତରୀତମ
ବରଷ ହେଲା ପୂରଣ
ଆଜାଦୀ ଅମୃତ ମହୋତ୍ସବ ପାଇଁ
ଚାଲୁଅଛି ଆୟୋଜନ ।
ଫରଫର ହୋଇ ଉଡିବ ତ୍ରିରଙ୍ଗା
ପ୍ରତିଟି ନଗର ପୁରେ
ଗୁଞ୍ଜିବ ସଙ୍ଗୀତ ଜନ ଗଣ ମନ
କଣ୍ଠେ ହର୍ଷ ଉଲ୍ଲାସରେ ।
ଭୁଲି ଜାତି ଧର୍ମ ବର୍ଣ୍ଣ ଭେଦାଭେଦ
ଆମେ ସର୍ବେ ଭାରତୀୟ
ହେବା ଏକ ମନ ଦୃଢତା ସମ୍ପନ୍ନ
ଆକୁମାରୀ ହିମାଳୟ ।
ଅହି°ସା ଶାନ୍ତିରେ ରଖି ସୁବିଶ୍ୱ।ସ
କରିବା କର୍ତ୍ତବ୍ୟ କର୍ମ
ଜାତୀୟ ସ°ହତି ବିଶ୍ୱର କଲ୍ୟାଣେ
ଢାଳି ଦେବା ମନପ୍ରାଣ ।
ଆମରି ହାତରେ ଆମେ ତ ଗଢିବା
ସ୍ୱର୍ଣିମ ନୂଆ ଅଧ୍ୟାୟ
ଶିଳ୍ପ କଉଶଳ କାରିଗରୀ ଜ୍ଞାନେ
ହେବା ଆମେ ଅଦ୍ୱିତୀୟ ।
ନିରନ୍ତର ଆମେ ପ୍ରଗତିର ପଥେ
ହେବା ସର୍ବେ ଅଗ୍ରସର
ଲକ୍ଷ୍ୟ ସୁନିଶ୍ଚିତ କରିବା ହାସଲ
ଜାଗ ଭାରତୀୟ ବୀର ।
ସ୍ୱାଧୀନ ଭାରତ ଦେଉଛି ଆହ୍ୱାନ
ହେ ପ୍ରିୟ ଭାରତବାସୀ
ଅମୃତ ଚେତନା ଭରି ସୁମାନସେ
ଅରଜ ଯଶ କିରତୀ ।