ଆହେ ପ୍ରଭୁ ଲମ୍ବୋଦର

ଆହେ  ଲମ୍ବୋଦର     ଆହେ  ଗଜାନନ

       ଦିଅ  ମୋତେ ଦିବ୍ୟ  ଜ୍ଞାନ,

ତୁମରି  ପୟରେ      ମୋ ' ମଥାକୁ ରଖି

      ଜଣାଉଛି   ନିବେଦନ  l

ନିର୍ବୋଧ  ବାଳକ      ଜାଣିନାହିଁ  ମୁହିଁ

    ବିଦ୍ୟା  ମାନେ  ଅଟେ  କ'ଣ ?

ଭୂତ  ନା'  ପ୍ରେତ     ବୁଝାଇ  ଦିଅ  ହେ

    ପ୍ରଭୁ  ତୁମେ  ଗଜାନନ  l

ଅଜ୍ଞାନ ରୂପକ       ଭୂତ  ମୋ'   ଶରୀର

    ବାହାର  କର  ଝାଡ଼ିଣ,

ବିଦ୍ୟାର  ଭଣ୍ଡାର      ରହିଛି  ପୂରିଣ

     ତୁମ  ଅନ୍ତର ଭିତରେ,

ସେହି ଭଣ୍ଡାରରୁ      କିଛି  ମୋତେ  ଦିଅ

     ମାଗୁଅଛି  ମୁଁ  ଆତୁରେ  l

ବିଦ୍ୟା   ଭଣ୍ଡାରରୁ    ତୁମେ ବିଦ୍ୟା ଦେଇ

      ମନ  ମୋ'  କର  ପୂରଣ  l

ତୁମରି  କୃପାରୁ     କେତେ  କେତେ କବି

    ଯାଇଛନ୍ତି  କାବ୍ୟ ଲେଖି,

ତୁମ  କୃପା  ଦୃଷ୍ଟି    ମୋ  ଉପରେ  ଥରେ

    ଦିଅ  ପ୍ରଭୁ  ତୁମେ  ରଖି  l

ମନ ବାଞ୍ଛା  ମୋର   କର  ହେ ପୂରଣ

   ଶୁଣି କରି  ମୋ"  ଜଣାଣ