ଲାଇବ୍ରେରୀ
ପ୍ରୋଫାଇଲ୍
ଆହେ ମୋର ବନମାଳୀ
ଆହେ ମୋର ବନମାଳୀ
1 min
208
ମୁକୁଳା ମନ୍ଦିର କିଳା ହୋଇଅଛି
ମନା ବଡ ଦାଣ୍ତ ଧୁଳି
କାଠର ଠାକୁର କଠୋର ହୁଅନା
ସିଂହ ଦୁଆରକୁ କିଳି ॥୧॥
ତୁମରି ସଂସାର ତୁମରି ଆଗରେ
ଯାଉଅଛି ପ୍ରଭୁ ଜଳି
ଠିକଣା ବେଳରେ ଠକି ଦେଲେ ପ୍ରଭୁ
କାହାକୁ କରିବୁ ଅଳି ॥୨॥
ଜଗତ କାନ୍ଦୁଛି କଲବଲ ହୋଇ
ଆଖିର ଲୁହକୁ ଢାଳି
ଉଠ ଉଠ ପ୍ରଭୁ ପହଡ ଭାଙ୍ଗିଣ
ଆହେ ମୋର ବନମାଳୀ ॥୩॥
ଭକତ ବାନ୍ଧବ ତୁମେ ତ ମାଧବ
ଯାଅ ଦଶ ଦୋଷ ଭୁଲି
ରକ୍ଷାକର ପ୍ରଭୁ ତୋ ନାମେ କାଳିଆ
ନ ଲାଗୁ କଳଙ୍କ କାଳି॥୪॥
