ଆହ୍ଵାନ ଏ କ୍ରାନ୍ତିକାରୀର

ମାଆ ର ଡାକରା       

ଆସିଅଛି ପରା

        ଜାଗିଉଠ ବୀର ସନ୍ତାନ ,

ଅତୀତ ଗୌରବ       

ଫେରେଇ ଆଣିବ

        ଖାତିର ନକରି ଜୀବନ  

ବୀର ପ୍ରସବିନୀ        

ଭାରତ ଜନନୀ

        ଆହ୍ଵାନ ଏ କ୍ରାନ୍ତିକାରୀ ର,

ଅଖଣ୍ଡ ଭାରତ        

ଭେଟି ଦେବ ମାତ

        ଗଲେ ଯାଉ ଜୀବନ ତାର ।

ଶୂର ବୀର ନର        

ହୋଇ ଏକାକାର

        ବିଜୟର ଟୀକା ଲଗାଇ ,

ବନ୍ଦେ ମାତରମ       

ବନ୍ଦେ ମାତରମ

        କହି କହି ଚାଲେ ଆଗେଇ ।

ଆହ୍ଵାନ ର ବୀଜ       

ମେଲାଇଲା ଭୁଜ

        ଶାଖା ପ୍ରଶାଖାକୁ ପ୍ରସାରି ,

ଗୋଲାମି ଗୁଳିରେ      

କ୍ଷତାକ୍ତ ବୁକୁରେ

        ଆଗେଇ ଚାଲେ କ୍ରାନ୍ତିକାରୀ ।

ଫିରିଙ୍ଗି ଶାସନ        

କଲେ ଅବସାନ

        ଲୁହ ଲହୁ ହୃଦୁ ଝରାଇ ,

ସଂଗ୍ରାମର ରଥ        

ଉଡାଇଇଲା ନେତ 

        ନୂଆ ସୁରୁଜ ଆସେ ଉଇଁ ।

ହେ ସଂଗ୍ରାମୀ ବୀର      

ବଳିଦାନ ତୋର

        ରହିଛି ରହିବ ଅମର ,

ଫେରିଆସ ତୁମେ      

ଏ ଭାରତ ଧାମେ

        ଅଛି ଆବଶ୍ୟକ ତୁମର ।

        ଆହ୍ଵାନ ଏ କ୍ରାନ୍ତିକାରୀ ର

        ଆହ୍ଵାନ ଏ କ୍ରାନ୍ତିକାରୀ ର।