Sivaram Thakur

Others


3  

Sivaram Thakur

Others


ଲୋଭରେ ଦେଲି ମୁଁ ତୋଳି

ଲୋଭରେ ଦେଲି ମୁଁ ତୋଳି

1 min 202 1 min 202

ନିର୍ମଳ ଗଗନେ

    ରବିର କିରଣେ

        ପଡଇ ଛିଟା ସୁନାର,

ଚକ୍ ଚକ୍ କରେ

    ଧାନ କିଆରୀରେ

        ମୋତି ବିନ୍ଦୁ ର କାକର ॥୧॥ 

ନିତ୍ୟକର୍ମ ସାରି

    ଯାଆନ୍ତି ବାହାରି

        ସାଙ୍ଗ ସାଥି ହୋଇ ଲୋକ ,

ପ୍ରଦୂଷଣ ମୁକ୍ତ

    ରହଇ ପ୍ରଭାତ 

        ଛୁଟେ ଫୁଲର ମହକ ॥୨॥

ତରାଟ ଟଗର    

    ହେନା କନିଅର

        ନାନାଜାତିର ମନ୍ଦାର ,

ଫୁଲେ ଭରପୁର

    ଆମରି ସହର

        ଦୁଇ ପାର୍ଶ୍ଵରେ ରାସ୍ତାର ॥୩॥

ସକାଳୁ ସକାଳୁ

    ପ୍ରାତ ଭ୍ରମଣରେ

        ଯାଉଁ ଆମେ ନିତିପ୍ରତି ,

ହାତରେ ଚାଙ୍ଗୁଡି

    ଆଉ ବେତ ବାଡି

        ଦୁଇଜଣ ହୋଇ ସାଥି ॥୪॥ 

ପଡିଶାର ଘର

    ଫୁଲେ ଭରପୁର

        ଜୁଇ ଯାଇ ହେନା ମଲ୍ଲୀ ,

ଗୋଲାପ ର ଫୁଲ 

    କରିଲା ପାଗଳ 

        ଲୋଭରେ ଦେଲି ମୁଁ ତୋଳି ॥୫॥


Rate this content
Log in