Library
Profile
ତୁମେ ବି ଆସ ଭାଇ
ତୁମେ ବି ଆସ ଭାଇ
ନିଶି ଅନ୍ତେ କାକ ଉଡିଲେ
ନିଡ ତ୍ୟାଗି ସଅଳ ,
ସାଥିରେ ଉଡିଲା ଶାବକ
ହୋଇ ଭାବ ବିହ୍ଵଳ ॥୧॥
ନୂଆ ନୂଆ ଡେଣା ଝାଡୁଛି
କେଡେ ଖୁସି ଲାଗଇ ,
ଭଦ୍ରତାରେ ପୋଲ ଉପରେ
ସର୍ବେ ବସିଲେ ଯାଇ ॥୨॥
କାଆ କାଆ ହୋଇ କହିଲା
ମାଆ କାକ ଛୁଆକୁ ,
ଏମିତି ଉଡିଲେ କାଟିବ
କଅଁଳିଆ ଡେଣାକୁ ॥୩॥
ଥକା ହେବ ଦେହେ ତୋହର
ମନ ହେବ ଅବଶ ,
ଆରେ ପୁଅ ଶୀଘ୍ର ଫେରିଆ
ଲାଗୁଥିବ ରେ ଶୋଷ ॥୪॥
ଦେଖୁଥିଲେ ଏହି ଦୃଶ୍ୟକୁ
ଦୁଇ ଶ୍ଵାନ ପାଶରେ ,
ଆଶ୍ଚର୍ଯ୍ୟ ଲାଗିଲା ଦେଖିକି
କା
କ ଥିବା ଶାନ୍ତରେ ॥୫॥
ପଚାରିଲେ ଶ୍ଵାନେ କାକକୁ
କହ କିସ କାରଣ ,
ପରିବାର ସର୍ବେ କରିଛ
ମୌନ ବ୍ରତ ଧାରଣ ॥୬॥
ବୃଦ୍ଧ କାକ ଦିଏ ଉତ୍ତର
ମଢ ପଡିଛି ଦେଖ ,
ପରିବେଶ ହେଲା ଦୁର୍ଗନ୍ଧ
ଦେଇ ହୋଉନି ନାକ ॥୭॥
ପରିବେଶ ସ୍ଵଚ୍ଛ କରିବୁ
ବୋଲି ଉଭା ଏଠାରେ ,
ଅଭିଯାନ ସ୍ଵଚ୍ଛ ଭାରତ
ଚାଲିଅଛି ସହରେ ॥୮॥
ସଫା କରିଦେବୁ ମଢ କୁ
ତୁମେ ବି ଆସ ଭାଇ,
ମିଳିମିଶି କଲେ ଉଦ୍ୟମେ
ସଫଳତା ମିଳଇ ॥୯॥
ପରିବେଶ ହେଲେ ନିର୍ମଳ
ସୁସ୍ଥ ହେବେ ସମସ୍ତେ ,
ଜନ ସମାଜରେ ସଜାଗ
ଦେଖା ଦେବ ତୁରିତେ ॥୧୦॥
