Sivaram Thakur

Others


3  

Sivaram Thakur

Others


ଅଣନିଃଶ୍ୱାସ ଲାଗଇ

ଅଣନିଃଶ୍ୱାସ ଲାଗଇ

1 min 190 1 min 190


ନିରାଶିତ ମନେ

    କାନ୍ଦୁଥିଲା ଦିନେ

        ବିକଳେ ନିନ୍ଦି କର୍ମକୁ,

ଝର ଝର କରି

    ଅଶ୍ରୁ ଯାଏ ଝରି

        ଓଦା କଲା ବସନକୁ ॥୧॥


ଅଶ୍ରୁଳ ବଦନ

    ଦେଖି ଛନ ଛନ

        ବାନ୍ଧବୀ ଆସି ପଚାରେ ,

ହୋଇଅଛି କିସ    

    କରହେ ପ୍ରକାଶ

        ହାଲୁକା ହେବ ଚିତ୍ତରେ ॥୨॥


ବାନ୍ଧବୀକୁ ଦେଖି

    କହେ ନିରିମାଖୀ

        କି କହିବି ଆଲୋ ସଖୀ ,

ଅସହାୟ ବୋଲି

    ଯା’କୁ ଆଶ୍ରା ଦେଲି

        ଦେଉଛି ସେ ତଣ୍ଟି ଚିପି ॥୩॥ 


ଧୀରେ ଧୀରେ ଚଢି

    ଯାଉଅଛି ମାଡି

        ଶାଖା ପ୍ରଶାଖା ମେଲାଇ ,

ଏହି ପରଭୋଜୀ

    ଲାଗଇ ଇଂରେଜୀ

        ଆଉ ସହି ନ ହୁଅଇ ॥୪॥ 


କୁହ ହେ ବାନ୍ଧବୀ

    ମୁଁ କିସ କରିବି

        ବୁଦ୍ଧି ମୋର ନ ଦିଶଇ ,

ଏହି ମୋର ଦୁଃଖ

    କରୁଛି ବିମୁଖ

        ଅଣନିଃଶ୍ୱାସ ଲାଗଇ ॥୫॥


   


Rate this content
Log in