ଆଗୋ ପ୍ରିୟତମା
ଆଗୋ ପ୍ରିୟତମା
ଆଗୋ ପ୍ରିୟତମା
ଷୋଡ଼ଶି ସୁଷମା
ପଦ୍ମପରି ମୁଖ
ନାହିଁ ତୋ ଉପମା ।
ସାଜିଣ କୈବର୍ତ୍ତ
ଫିଙ୍ଗି ପ୍ରେମଜାଲ
ଛନ୍ଦି ଦେଏ ମତେ
ହେଲିଣି ବେହାଲ ।
ଆଗୋ ସମ୍ମୋହିନୀ
ମୋ ମନ ମୋହିନୀ
ଆଖି ନୁହେଁ ତୋର
ସେତ ସଂଜୀବନି ।
ସାଜି ଚିତ୍ରକର
ଆଙ୍କି ପ୍ରେମଛବି
ବିଞ୍ଚି ଦେଇ ଯାଆ
ପ୍ରେମର ସୁରଭି ।
ଆଗୋ ଅପସରି
ମୋ ମନ ମୟୂରୀ
ରୂପରଙ୍ଗେ ତୋର
କିଏ ହେବ ସରି ।
ସାଜି ଏକ ଚୋର
ଚୋରି କରି ମନ
କରି ନେ ନିଜର
ମୋର ଏ ଜୀବନ ।
ଆଗୋ ମଧୁମୟୀ
ତୁମେ ସୂର୍-ମୟୀ
ପାଗଳ ତୋ ଲାଗି
ମୁଁ ଯେ କାହିଁ ପାଇଁ ।
ସାଜି ମୋ ଶିକ୍ଷକ
ଧରି ପ୍ରେମ ଛାଟ
ଶିଖେଇଦେ ମତେ
ଟିକେ ପ୍ରେମ ପାଠ ।
ଆଗୋ ରୂପବତୀ
ତୁମେ ରସବତୀ
ତୁମ ବିନା ମୁଁ ଯେ
ବଞ୍ଚିବି କେମିତି ।
ସାଜି ଧନୁର୍ଦ୍ଧର
ମାରି ପ୍ରେମ ତିର
ଦେଇ ପ୍ରେମ ଛୁଆଁ
କରି ନେ ନିଜର ।