ଆଗୋ ପ୍ରିୟତମା ମୋର

ଆଗୋ ପ୍ରିୟତମ ମୋର 

କେମିତି କହିବି ସରମ ଲାଗୁଛି

ତୁମକୁ ପାଉଛି ଭଲ 

ତୁମ ହୃଦୟକି ମୁଗୁନି ପଥର 

ଶୁଣୁ ନି ମୋ ଅନ୍ତଃସ୍ୱର.....

କେମିତି କହିବି ସରମ ଲାଗୁଛି

ତୁମକୁ ପାଉଛି ଭଲ

ଆଗୋ ପ୍ରିୟତମ ମୋର (0)

ମୋ ଆଖିର ଭାଷା ଲାଜ ଆଖିପତା

କହୁଛି ଅନେକ କଥା

ନିରିହ ନୟନ କରେ ନିବେଦନ

ଚାପିଦେଇ ମନ ବ୍ୟଥା 

ଆଖି ଥାଇ ଅନ୍ଧ ପରାୟେ ଲାଗୁଛ 

ମତେ ଲାଗୁଅଛି ଡର

ଆଗୋ ପ୍ରିୟତମ ମୋର (1)

ଥରି ଥରି ଓଠ କହେ ପ୍ରେମ ପାଠ

ଅପାଠୁଆ ତୁମେ ଦୁଷ୍ଟ 

ପ୍ରେମ ପ୍ରଣୟରେ ଲୋଡ଼ା ନାହିଁ ପାଠ

ଢ଼ିଙ୍କିକୁ ନମଣ କାଠ 

ମୋ ହୃଦ ସିଲଟ ଖାଲି ପଡ଼ିଅଛି

ଟାଣିଦିଅ ପ୍ରେମଗାର...

ଆଗୋ ପ୍ରିୟତମ ମୋର (2)

ନିରବ ରାଇଜ ରାଜକୁମାର ମୋ

ମୁଁ କୁମାରୀ ରାଜାଘର

ଝୀନ ତନୁ ମୋର ବିଶାଳ ଉଁଆସ

କୋଳ ମୋର ଅନ୍ତଃପୁର

ହୃଦୟର ପଟ୍ଟ ପୂର୍ଣ୍ଣ ପ୍ରୀତିରସ

ବିରାଜ ହେ ଅଧିଶ୍ୱର....

ଆଗୋ ପ୍ରିୟତମ ମୋର (3)