ଲାଇବ୍ରେରୀ
ପ୍ରୋଫାଇଲ୍
ନଈରେ ନଈ ଟିକେ ରହିଯା
ନଈରେ ନଈ ଟିକେ ରହିଯା
1 min
290
ନଈରେ ନଈ ଟିକେ ରହିଯା
ନଈପାଣି ତୁ ଶୁଖିଯା
ହେଲେ ନଈ ପାର ମୋ ପ୍ରିୟାର ଘର
ପାରିହେଲେ ପୁଣି ବୋହିଯା
ନଈରେ ନଈ ଟିକେ ରହିଯା
ଚାହିଁଥିବ ଗୋରି ଗାଲେ ହାତମାରି
ବସିଥିବ ଦେଖି ନିରୋଳା
ଦେଇଥିଲି କଣ୍ଟ ପଡ଼ିବାକୁ ଭେଟ
କଣ୍ଟକ ଆଜି ତ ପୁରିଲା
ନ ଗଲେ ପ୍ରେୟସୀ ଯିବସେତ ରୁଷି
ରୁଷି ଗଲେ ପ୍ରାଣ ସରିଲା
ନଈରେ ନଈ ଟିକେ ରହିଯା ।
ମାଆତାର ଅତି ଚାଲାକ ଚତୁରୀ
ବାପାତାର ବଡ ଖତରା
ବଡଭାଇ ତାର ହୁଏ ଗରଗର
ମଝିଆଁ ଭାଇଟା ଛତରା
ସାନ ଭଉଣୀଟି କହେ ନାହିଁ କିଛି
ହେଲେ ସିଏ ଭାରି ନୁଖୁରା
ନଈରେ ନଈ ଟିକେ ରହିଯା ।
ଲୁଚାଛୁପା ପ୍ରେମ ଭାରି ସୁଆଦିଆ
ଵାଡୁଅକୁ ଲାଗେ ବଢିଆ
ଧରାପଡି ଗଲେ ସରିଯିବ ଖେଳ
ହୋଇଯିଵି ହିନୀମାନିଆଁ
ଭାବ ପ୍ରୀତି ଥାଉ ପୁନେଇଁଟା ଯାଉ
ନେଇଯିବି କରି କନିଆଁ
ନଈରେ ନଈ ଟିକେ ରହିଯା
ନଈପାଣି ତୁ ଶୁଖିଯା
ହେଲେ ନଈ ପାର ମୋ ପ୍ରିୟାର ଘର
ପାରି ହେଲେ ପୁଣି ବୋହିଯା ।
