ଶିଶୁ

ଫୁଲଟିଏ ହୋଇ ଦେଶ ବଗିଚାରେ

ଫୁଟିଛ ଅତି ଯତନେ

ପାଖୁଡା କୋମଳ ମହକ ସୁଗନ୍ଧ 

ଚହଟିବ କୋଣେ କୋଣେ I

ନିର୍ମଳ ଆକାଶେ ତାରାପୁଞ୍ଜି ହୋଇ

ଦିଶ କେଡେ ଶୋଭାବନ 

ମିଞ୍ଜି ମିଞ୍ଜି ରଶ୍ମି ବିଛୁରିତ ହେବ 

ପଡିବ ସାରା ଭୁବନ I

ସାଗର ବୁକୁରେ ଶାମୁକାଟି ତୁମେ

ମୁକ୍ତା ତହିଁ ଭରପୁର

ଆଜି ନ ହେଲେ ବି ଝଟକିବ ଦିନେ

ଗଳାରେ ହୋଇଣ ହାର I

ଛନ୍ଦ ଓ କପଟ ନାହିଁ ମନେ ସ୍ଥାନ

ଟିକି ଟିକି ରାଗ ରୋଷ

ପେଟ ପୁରି ଯାଏ ଶୋଷ ମେଣ୍ଟି ଯାଏ 

ଦେଖି ଖିଲି ଖିଲି ହସ I

ଆଗତ ଭବିଷ୍ୟ ତୁମେ ଏ ଦେଶର

ତୁମେ ହେବ ନାଗରିକ

ବଡ ହୋଇ ଦିନେ ଭଲ କାମ କରି 

ରଖିବ ଦେଶର ଟେକ I

କିଏ ବୈଜ୍ଞାନିକ କେ ହେବ କୃଷକ

ମନରେ ଭାବି ସମାନ 

କର୍ମ ମାତ୍ର ସର୍ବ ଦେଶ ପାଇଁ ହିତ

କେହି ନୁହଁ ବଡ ସାନ I