ଆଧୁନିକ ନାରୀ

ଆଧୁନିକତାର ପଶା ପାଲି ପରେ 

ନାରୀ ଆଜି କବଳିତ 

ଶବ୍ଦର ଚାତୁରୀ ଆନକୁ ଦେଖାଏ 

କରିଥାଏ ବିମୋହିତ ।

ସପନର ସଦା ସୌଦାଗର ସାଜି 

ଦେଖାଏ ସପନ ମାୟା 

ତା ସପନରେ ଭିଜି ଯାଏ ଯିଏ 

ମିଳେ ନାହିଁ ତାକୁ କାୟା ।

ଇଣ୍ଟେର୍ନେଟ ଯୁଗରେ ପାଦ ଥାପି 

ଭାବୁଛି ନିଜକୁ ବଡ଼ 

କାଳ କବଳରେ ହେଉଛି ଗ୍ରାସ ସେ 

ସତେକି ଅବା ଜଡ଼ ।

ପ୍ରେମର ଫାଶରେ ପ୍ରେମିକ ପଡଇ 

ଫସାଏ ତାକୁ ଅଚିରେ 

ସର୍ବନାଶ କରି ଭିକାରି ବନାଏ 

ପ୍ରେମରେ କରେ କାବୁରେ ।

ଚାଲି ଚଳଣିରେ ରହିଛି ତାହାର 

ଆଧୁନିକତାର ଛାପ 

ଦୂରେଇ ରହିବ ଏପରି ନାରୀଠୁ 

କରିବ ନିଜକୁ ମାପ ।