ଆଡ଼ନେତ୍ରେ ଦିଅ ଚାହିଁ

ସର୍ଵ ସୁଲକ୍ଷଣୀ ସାଗର ଦୁଲଣୀ

ଆଡ଼ନେତ୍ରେ ଦିଅ ଚାହିଁ ,

ଭକ୍ତି ସହକାରେ ଆରାଧନା କରେ

ତୁମରି ଆଶିଷ ପାଇଁ ।

ଦାରିଦ୍ର୍ୟ ଭଞ୍ଜନୀ ବାରେ ଦୟାକରି ,

ଦିଅ,ଦିଅ ଏବେ କରୁଣା ବିତରି ;

ମାଆ ଗୋ ଚଞ୍ଚଳା,ସନ୍ତାନ ବତ୍ସଳା

ତୁମ ତୁଲ କେହି ନାହିଁ ।(୦)

ତୁମେ ଅନ୍ନପୂର୍ଣ୍ଣା ମମତାମୟୀ ମା'

ଜଗତକୁ ବାଣ୍ଟ ପଡ଼ି ,

ସହି ପାରନାହିଁ ଭୋକ-ଶୋଷରେ କେ

କାନ୍ଦିଲେ ଆକୁଳେ ଗଡ଼ି ।

ତୁମ କୃପାହେଲେ ଧନ, ଜନ, ବସ୍ତ୍ର

କେବେ ଊଣା ହୁଏ ନାହିଁ ।(୧)

ସର୍ଵ ସୁଲକ୍ଷଣୀ ସାଗର ଦୁଲଣୀ

ଆଡ଼ନେତ୍ରେ ଦିଅ ଚାହିଁ....

ତୁମେ ସୁପ୍ରସନ୍ନା ହୋଇଲେ ଗୋ ମାଆ

ପୂର୍ଣ୍ଣ ହୁଏ ମନସ୍କାମ ,

ଅଚିରେ ହୁଅଇ ସର୍ଵ କାର୍ଯ୍ୟ ଜୟ

ଦ୍ରୋହୀ ଜନେ ତୁମେ ବାମ ।

ଥିଲେ ଦୋଷା ଦୋଷ ମୋ ସେବା ପୂଜାରେ

କ୍ଷମା ଦେବ ମହାମାୟୀ ।(୨)

ସର୍ଵ ସୁଲକ୍ଷଣୀ ସାଗର ଦୁଲଣୀ

ଆଡ଼ନେତ୍ରେ ଦିଅ ଚାହିଁ....

ଭକ୍ତି ସହକାରେ ଆରାଧନା କରେ

ତୁମରି ଆଶିଷ ପାଇଁ ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।