ये रे ये रे पावसा

ये रे ये रे पावसा आता

रिमझिम वाहू दे धारा

वीज चमकावी लख्ख

छळावा नटखट वारा.......॥१॥

थेंब बरसू दा टपोरे

तेव्हा भागेल तहान

मोहोरेल सारी सृष्टी

आहे पाऊस महान......॥२॥

किती मनात आनंद

येतो तनाला शहारा

मोर नाचती सुखाने

सारा पाण्याचा पहारा....॥३॥

शालू पांघरे हिरवा

नववधू जशी नटे

धरा भिजे ओलिचिंब

प्रेम ओतप्रोत दाटे........॥४॥

शेतकरी झाला खूश

पिके येतील जोमाने

ओलेचिंब झाले रान

लागू कामाला जोशाने....॥५॥