लाइब्रेरी
प्रोफाइल
या सरत्या वर्षात
या सरत्या वर्षात
1 min
396
या सरत्या वर्षात अनेक
सुखदुःखाच्या आठवणी
आप्तस्वकीयांच्या जाण्याने
दाटून आले नयनी पाणी
महामारीच्या लाटेने जगी
थैमान घातले रोगानी
असंख्य जन दाना-फान
घर सोडीले अनेकांनी
या भयाण स्थितीतही
जोडीला माणुसकीच्या वृक्षांनी
समर्पणाचा भाव जपला
असंख्य दिलदार व्यक्तीमत्वांनी
माणुसकीचे दर्शन घडले
येता-जाता अनेक रूपांनी
मंदिरातला देवही दिसला
भक्तगणासाठी तव कृपांनी
स्व-स्वप्नांची राखरांगोळी
पाहीली उघड्या डोळ्यांनी
साजरी केली रे दिवाळी
दिव्याविना अनेकांनी
सकारात्मकतेच्या उर्जेचा
प्रकाश संगे घेऊनी
अपुल्या घरट्यात परतले
पक्षी झेप आकाक्षांची भरूनी
हेच एक मागणे रे देवा
सुखी ठेव सर्वास जीवनी
सुख-दुःखाचे वार झेलण्या
हिम्मत दे बळ एकवटूनी
