व्यसनांचा भस्मासूर

आजची ही पिढी I गेली ती आहारी ॥

व्यसन ती करी I रात्रंदिन ॥१॥

मुखी तो गुटखा I भरला तोबरा I

रस्त्याला पोतारा | थुंकोनिया॥ २॥

तंबाखू मळती I चुना तो लावून I

कँसर होवून | मरताती ॥३॥

हातात सिगार I नाकातुन धूर I

होतात बेजार | खोकोनिया ॥४॥

मीठा पान खाता | सवय जडता ॥

टपरी धरता I जवळची ॥५॥

सोमरस असा I म्हणून चाखती ॥

गटारी शोधती | गावकरी ॥६॥

नेट ते संपवी I स्मार्ट फोन हाती॥

संभोग पाहती | दिसरात ॥७॥

कोणाचे ऐकेना I बापास जुमेना |

घरात राहिना I सुख शांती ॥८॥