विठ्ठल
विठ्ठल
माझा सावळा श्रीहरी
ओढ लागली भेटीची
वारकरी आतुर झाला
खुशाली विचारतो लेकीची
तुळशी माळा गळा घाली
चंदनाचा टिळा लेवून भाळी
पित पितांबर, कटीवर हात
शोभते मूर्ती सुंदर सावळी
भेटीची ओढ लागली हरी
खुले झाली तुझी दार सारी
आनंदाने येतील भक्तगण
पायी सुरू होईल रे वारी
तूच आमचा मायबाप विठू
करावे सदैव आमचे रक्षण
एकदा बघण्यास जीव आतुर
असेल जीवनात आनंदी क्षण
कर जोडून विठू विनवणी
जगाचे दु:ख करावे रे दूर
वारकरी येती वाजतगाजत
भक्तांच्या आनंदाला येई पूर