विषय:- तिरंगा

भारत देशात सा-या धर्म जातींना 

दिला जातोय दर्जा एक समान |

त्याग विमल शांती समृद्धी प्रतिक

हा राष्ट्रध्वज तिरंगा माझा महान | |१| |

तांबडा रंग ह्याचा शौर्य व त्यागाचे

प्रतिक दाखवी पावित्र्य सफेद रंग | 

शांती प्रतिक अशोकचक्र त्यावर

सुबत्ता,समृद्धी दाखवी हिरवा रंग | |२| |

सा-या जगात शोभायमान तिरंगा

माझ्या देशाची उंचावतो शान |

चिरायू होवो स्वातंत्र्य,गणतंत्र दिन

फडकत राहो डौलाने तिरंगा छान | |३| |

सांसदीय लोकशाही जगा दर्शवी 

तिरंगा प्यारा राष्ट्रध्वज हा महान |

शौर्याने लढले क्रांतीकारक देशाचे

शमवून दृष्ट शत्रूंच्या रक्ताची तहान | |४| |