गाडगेबाबा

🌹झाडू मडके हातात

बाबा गावोगावी फिरे

साधे संवाद कीर्तनी

करी गाव स्वच्छ सारे.

🌹खरा वैज्ञानिक संत

अंधश्रद्ध समाजाचा

परखड उपदेश

संत गाडगे बाबांचा.

🌹रीन कोणी काढू नका

जादूटोणा मानू नका

द्यावे शिक्षण मुलांना

देव माना माणसांना

🌹सुधारक समाजाचा

व्यवहार सचोटीचा

नदी घाट, धर्मशाळा

रूग्णालये निर्मिकाचा.

🌹घ्यावा सुज्ञान जणांनी

वसा समाज कार्याचा

थांबलेल्या विकासाचा

स्वच्छतेचा, शिक्षणाचा.