Library
Profile
अविचल
अविचल
1 min
309
निष्पर्ण वृक्षाची जाळी
सुवर्ण सांडले सकाळी
ऊबदार कवडसे तेजाचे
उगवता रवी डोंगर उजळी
पक्षी गुंजारव भोवती
माणसे घेती निसर्ग अनुभूती
प्राण्यांचे घर डोंगरावरती
मोर चरावयास निघती
सह्याद्री कडेकपारीत
देवी वसे कड्यावर
अनवट डोंगरावरून
पहावा विस्तीर्ण सभोवार
बेरकी मतलबी माणसे
निसर्ग मायाळू अबोल
जावे कुशीत प्रेमाने
दूर माणसे गिरी अविचल
