सोनसकाळ

सोनकोवळ्या रविकिरणांनी अंधार दूर झाला. 

पहाटवारा धुक्यातूनी रुणुझुणतच आला. 

सोनपावली रविकिरणांची सांडते तेजमाया

झाडे-वेली, पक्षी-प्राणी तत्पर जागे व्हाया. 

मनुष्यप्राणी जागा होई प्रसन्न मंगल वेळी

दिशा-उपदिशा सुंदर दिसती मोहक प्रभात काळी. 

निलनभांगणी पक्ष्यांचीही चाले शर्यत गंमत

किलबिलाटातून गायन चाले माधूर्यमयी स्वरात. 

सृष्टी नटली, सजली-धजली लेवून नवे लेणे. 

रवि पाहून चमचमणारा प्रसन्न गाऊ गाणे.