लाइब्रेरी
प्रोफाइल
वाटते असे का
वाटते असे का
1 min
425
वाटते असे का
गप्पा मारत जावे
का असे वाटते
तुझ्यात समरस व्हावे
का धडधड करते
ह्रदय निराळी काही
का पडती रात्री
स्वप्ने रोजच शाही
का गुलाब हल्ली
अधिक गुलाबी दिसतो
अंधा-या रात्री
पूर्ण चंद्रमा हसतो
का काठ नदीचा
सोडत नाही पाठ
का खेचून घेते
हिरवी पाऊलवाट
का मनाशीच मी
हसतो एकाएकी
तु समोर येऊन
म्हणते टाळी दे की
प्रेमात डुंबता
घडते विचित्र सारे
मी किती दाबतो
तरीही हास्य फवारे
