वारी पंढरीची..
वारी पंढरीची..
ओठी अभंगवाणी
त्याला टाळ मृदंगाची जोड
अनवाणी पाऊलांना लागते पंढरीची ओढ
डोक्यावर तुळशी वृंदावन तर कोणाच्या विठुमाऊली
सर्वांना आपल्या भेटीची जणू ओढ त्याने लावली
हाती वीणा, वाद्यांचा गजर
माऊली माऊली नावाचा अखंड चालू असे जागर
कुठे उभे रिंगण
तर कुठे गोल रिंगण
आषाढीला भक्तांनी फुलते पंढरीचे अंगण
अनोखी अशी ही वाटते वारी
मानाच्या अश्वांची सगळ्यांच्या पुढे असते स्वारी
चाले वारकरी इंद्रायणी
पासून चंद्रभागेतीरी
सामाजिक संदेश देण्याची
पद्धत ही न्यारी
विटेवरी उभा तो सारी
सत्ता त्याच्या हाती
वारकरी सारे रे पांडुरंगा
तुझे गोडवे गाती
ज्ञानोबा- तुकारामांचा मानाचा हा पालखी सोहळा
वारकरी, दिंड्या- पताकांमुळे भासे आम्हा आगळा
चंद्रभागेच्या काठी फुले हा भक्तीचा सोहळा
वारी पंढरीची,
विठू नामाचा गजर देई
मनास विलक्षण आनंद हा वेगळा...