वाळवंटी हृदय आणि प्रेम

आतुरलं चातकासारखं मन माझं 

प्रेमाच्या पाऊस थेंबाला 

गंध प्रीतीचा मिळाला माझ्या 

वाळवंटासमान शुष्क हृदयाला 

जमून आले ढग प्रेमाचे

निसर्गही बहरून आला 

बरसणार प्रेम सरी हृदयावर 

मदमस्त वाराही सांगू लागला 

गर्जून बरसणाऱ्या सरींमध्ये 

मन माझं न्हाऊन गेलं 

इंद्रधनुष्य उमटलं मनात 

लडिवाळ भावनांना उधाण आलं 

 गडगडत प्रेमाच्या ढगात  

 लकाकणाऱ्या वीजा दिसत नव्हत्या 

उधळण झाली होती प्रेमाची 

दिशा साऱ्या मावळल्या होत्या 

वाळवंटासमान शुष्क हृद्यावरती 

आता प्रेम हिरवळ चढली

वेड्या माझ्या मनाला 

तुझ्यावर वेडी प्रीत जडली