उसवलेले नाते

नाते रेशीम बंधनाचे 

रममाण मस्त दोघात

प्रेमाची साथ एकमेकांना

जणू दोघेच या विश्वात      

मनी आदर अपार      

मी तू पणाचा अभाव      

घट्ट विणलेल्या नात्याला      

का उसवावे ?

ना लागे ठाव मने जुळली

तरी जपावे स्वत्व मनात

अतीदक्षता घेता उसवेना

त्याची वीण क्षणात        

उसवत जाती मनाचे धागे        

सुंदर नाते बंध तुटत        

विसरले सुखद ते क्षण        

प्रेमच खोटे, जगणे कुढत

वाटते तितके नसे सोपे

सामंजस्याची असते गरज 

मग, दोन जीव एकत्र येता

उसवणार नाही नाते सहज