उभ्या जगाचा पोशिंदा

शेतकरी बाप माझा

उभ्या जगाचा पोशिंदा

भाकर तुकडा घेवून

दिवस रात्र कामधंदा

मुठभर धान्य पेरून

रोपांची लागण करतो

बैलजोडी शेतात शोभून

मशागत मळणी करतो

हिरवेगार शेतात पिक

बहरुन पिकवला मळा

शेतकरी राज्याने घाम

गाळून सोसल्या कळा

शिवार फुललं कोवळे

अंकुर दाटले उराशी

शेतकरी राजा माझा

स्वप्नं बाळगतो मनाशी

शेतात राबून कुटुंबाला

देई सुखाचे दोन घास

माझा जगाचा पोशिंदा

सौरक्षणाचा घेतो ध्यास

लाखो दिलाचा पोशिंदा

आम्हा तुझा अभिमान

जगाच्या तुलनेत सारे

मिळून संस्कृतीची शान