तूझ्या माझ्या प्रेमाचा काळ

तुझ्या माझ्या प्रेमाचा 

काळ किती न्यारा होता 

वही कागदावरच्या लेखणीचा 

भार किती प्यारा होता 

आपलं love म्हणजे ना 

watsup ना फ़ेसबुक 

फक्त लाल निळी पेनं

आणि सिंगल लाईन नोटबुक 

तुझ्या माझ्या प्रेमात ना 

फोन ना दूरध्वनी केंद्र 

आपले मित्रच होते की 

आपले आकाशवाणी केंद्र 

ना तू पाठवली इमेज 

ना मी गेलो कधी थेटरात 

माझ्या मनातलं सारं मी 

तुला लिहत होतो लेटरात 

आपल प्रेम सिद्ध करण्यास 

ना कॉपी होते ना पेस्ट 

आपली स्वरचित रचनाच 

होती आपली प्रामाणिक टेस्ट 

तुझ्या माझ्या काळात 

व्हिडिओ होता ना ऑडिओ 

आपले कंठच होते दोघांचे 

अप्रतिम सिंगिंग रेडिओ 

हातात हात घालून फिरायला 

ना टू व्हिलर ना फोर व्हिलर 

समुद्रकिनारी बसून पहायचो

प्रत्येकाच्या प्रेमाचे ट्रेलर 

फिरायला गेलो कुठेतरी 

ना काढायचो सेल्फी ना पिक्स 

आपल्या हृदयातच साठवायचो

आपले अस्मरणीय क्लिक्स