तू येशील तेंव्हा

तू येशील तेव्हा तुझ्यासोबत 

खूप बोलणार आहे 

मनातली सारी गुपितं 

नक्कीच खोलणार आहे || 0 ||

तू गेल्यापासून 

चैन नाही मनाला 

आधार नाही तुझ्याविना 

काही जीवनाला 

तूला भेटून हृदय माझं 

नक्कीच डोलणार आहे 

तू येशील तेव्हा तुझ्यासोबत 

खूप बोलणार आहे || 1 ||

किती प्रेम केलंय 

दाखवायचं आहे तूला 

माझ्या निर्मळ प्रेमात 

माखवायचं आहे तूला 

माझं प्रेम हृदयाशी 

तुझ्या तोलणार आहे 

तू येशील तेव्हा तुझ्यासोबत 

खूप बोलणार आहे || 2 ||